Mbrojtësi spanjoll Iñigo Martínez është shumë afër që të largohet nga Barcelona.

Sipas gazetarit Matteo Morettto, klubi saudit Al-Nassr ka shprehur interesim të madh për 34-vjeçarin dhe negociatat mes palëve janë duke vazhduar, shkruan Arbresh.info.

Martínez mund të bëhet përforcimi i radhës i skuadrës së Cristiano Ronaldos në Arabinë Saudite. Al-Nassr këtë sezon po tenton të shpallet kampion i Arabisë Saudite, ku më parë ka transferuar edhe Joao Felixin.

Martinez u transferua në verën e vitit 2023 tek Barcelona, dhe është shndërruar në mbrojtësin kyç të skuadrës. Edicionin e fundit ai ka fituar La Ligan, Kupën e Mbretit dhe Superkupën e Spanjës me katalanasit.

Ish-lojtari i Bilbaos ka një kontratë që e mban të lidhur me Barcelonën deri në verën e vitit 2026./Arbresh.info

Exclusiva. Iñigo Martínez está cerca de dejar el Barcelona.

El Al-Nassr Football Club está muy interesado en él. Negociación entre las partes. pic.twitter.com/0T9RSEMkpW

— Matteo Moretto (@MatteMoretto) August 7, 2025